ஜகத்குரு?! லோககுரு?!

உலககுரு சகடகுரு

உலக குரு, சகட குரு என்று பதினெண் சித்தர்களால் குறிக்கப்படும் சொற்கள் சமசுக்கிருதத்தில் லோககுரு, ஜகத்குரு என்று இன்றைய காஞ்சி மடத்து சங்கராச்சாரியார்களால் குறிக்கப்படுகின்றன.

உலக குரு விளக்கம்:

உலகம் = இம்மண்ணுலகைக் குறிக்கிறது.

உலக + குரு --> லோக குரு

இம்மண்ணுலகப் பயிரின உயிரினங்களோடு இரண்டறக் கலந்து வாழ்ந்து அநுபவிக்க வழிகாட்டியாக இருப்பவர்.

மண், பெண், பொன் ... அனைத்தையும் ஏற்று அநுபவிப்பவரே.

சகட குரு விளக்கம்:

சகடம் = இயங்கிக் கொண்டே இருக்கும் இம்மண்ணுலகமும் மானுட வாழ்வையும் குறிக்கும்.

இம்மனித வாழ்வைத் தாங்கிச் செல்லும் வண்டி போன்று இருப்பவரைக் குறிக்கும்.

சகட + குரு --> சகத்குரு.

இப்பொருளிலேயே பதினெண்சித்தர்கள் ஆதிசிவாச்சாரியார், ஆதிபரமாச்சாரியார், ஆதிசங்கராச்சாரியார், ஆதிஈசுவராச்சாரியார் எனும் நான்கு ஆச்சாரியார்களுக்கு மட்டுமே உலககுரு, சகத்குரு என்ற பட்டங்களை வழங்கியுள்ளனர்.

இதைப் புரிந்து கொள்ளாமல் பிறாமணர்கள் தங்களின் கற்பனையான துறவுக் கோலக் காலடி ஆதிசங்கராச்சாரியாரைப் பின்பற்றித் தோற்றுவித்துக் கொண்ட ஆச்சாரியார்களுக்கும் உலககுரு --> லோககுரு, சகட குரு --> சகத்குரு = ஜகத்குரு என்று சமசுக்கிருத மொழி ஒலிக்கேற்ற ‘லோககுரு’, ‘ஜகத்குரு’ என்ற சொற்களை உருவாக்கிக் கொண்டார்கள்.

குறிப்பு:-

•     உலககுரு, சகடகுரு என்பவர்கள் பெயரளவிலாவது திருமணம் செய்திருக்க வேண்டும்.
•     கூடுவிட்டுக் கூடு பாய்ந்தாவது; அருவுருவ நிலையிலாவது பெண்ணின்பம் துய்த்திருக்க வேண்டும்.
•     ஏந்தரீக, தாந்தரீக, மாந்தரீகப் பூசைகளைச் செய்ய வேண்டும்.
•     மோக, போக, வேக, தாக நுட்பங்களை உணர்ந்திருக்க வேண்டும்.
•     காம சாத்திற, சாத்திர, சாத்தர, சூத்திற, சூத்திர, சூத்தரங்களில் தேர்ந்திருக்க வேண்டும்.

ஆனால், துறவியாக, பிரம்மச்சாரியாக வாழும் இன்றைய சங்கராச்சாரியார்கள் தங்களை லோககுரு (உலககுரு), ஜகத்குரு (சகட குரு) என்று குறிப்பது தவறே! கேலிக் கூத்தே!